Baydhabo,(insidesomalia.org)-Madaxda ugu sareysa dowladda Federaalka KMG ah ee Soomaaliya ayaa maanta waxa ay kasoo dageen garoonka diyaaradaha Magalada Baydhabo ee Xarunta Gobolka Bay.

Saddexdani Mas置ul ayaa kasoo laabtay Magaalada Addis Ababa kadib markii halkaasi lagu soo dhameeyay khilaafkii xooganaa ee kadhex taagnaa Madaxweyne Cabdullaahi Yuusuf Axmed iyo Ra段isal wasaare Nuur Xasan Xuseen (Nuurcadde).

Cabdullaahi Yuusuf Axmed Madaxweynaha Dowladda oo markii ay kasoo dageen garoonka diyaaradaha  Baydhabo kula hadlay halkaasi Saxaafadda ayaa sheegay in uu kusoo laabtay Baydhabo, isla markaana arrimo fara badan oo taagan ay soo xaliyeen.

Waxa uu sheegay in sidoo kale waxa ay isku heysteen isaga iyo Nuurcadde uu ahaa keliya Dastuurka Dowladda, kaasi oo iminka lasoo dhameeyay sida uu hadalka u dhigay Madaxweyne Cabdullaahi Yuusuf Axmed.

Waxaa si aad ah maanta loo adkeeyay Ammaanka Magaalada Baydhabo iyadoo isu socodkii gaadiidka BL-ka iyo dadweynaha maanta wax badan ay xadideen Ciidamada dowladda Federaalka iyo kuwa Itoobiyaanka ee kusugan Magaalada Baydhabo.

 Madaxweynaha dowladda Federaalka Cabdullaahi Yuusuf Axmed iyo Ra段isal wasaaraha Xukuumadda Federaalka Nuur Xasan Xuseen (Nuur cadde) ayaa ku laabashadooda Baydhabo waxaa si aad ah u sugayay Baarlamaanka Soomaaliya iyadoo mooshinna uu kayaalo baarlamaanka Ra段isal Wasaare Nuur cadde.

Majirto wax faah faahin dheeri ah oo ay ka bixiyeen safaradooda iyo sida ay wax u soo xaliyeen lakin waxa ay sheegeen in maalinta berito ay hortegi doonaan Baarlamaanka halkaasina ay warbixinta oo buuxda ka dhiibi doonaan.